Giske Rotaryklubb
Giske Rotaryklubb
Nokre av vertane frå Giske Rotaryklubb som er klare til å ta imot besøkande i gapahuken til Ågnegjerdet Vel i Sandvika på Roald. F.v. Ludvig Kåre Øyen, Per Otto Tyrholm, Inger Marie Seth og Britt Valderhaug Tyrholm.
Den 20. august blir det starta ny Naturmøteplass ved Sandvika på Roald/Vigra. Dette blir ein møteplass for alle som likar å gå tur og som set pris på møte med andre i friluft.
Det er Sunnmøre friluftsråd som står bak Naturmøteplassen, som vil ha frivillege vertar frå Giske Rotaryklubb til gjennomføringa. Møteplassen blir i den flotte gapahuken som er reist av Ågnegjerdet Vel ved sandstranda på Roald. Friluftsrådet har fleire Naturmøteplassar i kommunane rundt om på Sunnmøre, og Sandvika blir den 10. i rekka.
– Dette er svært populære møteplassar i friluft, for folk i alle aldrar. Mange kjem igjen gong etter gong, og det er svært gode tilbakemeldingar frå både vertar og dei som kjem innom på besøk, seier Hilde Ellingsæter, prosjektansvarleg hos Sunnmøre friluftsråd.
– Vi håpar dette blir eit populært tilbod også på Vigra. Kombinasjonen av å komme seg ut i friluft og samstundes møte andre menneske og vere sosial er verdifullt. Dette er for alle som har lyst til å kome og vi gler oss til å komme i gang, seier Britt Valderhaug Tyrholm, president i Giske Rotaryklubb.
Om Naturmøteplassen
Naturmøteplassen er eit lågterskel og uforpliktande tilbod til alle som har høve til å gå tur på dagtid, og som set pris hyggelege møte med andre. Etter å ha gått eit lite stykke kjem ein fram til ein gapahuk der bålet brenn på eit fast tidsrom ein bestemt dag i veka. I gapahuken blir ein teke imot av blide og inkluderande vertar som spanderer varm drikke, og slår av ein prat.
Tilbodet er til personar i alle aldrar som er ledig på dagtid. Det kan vere permitterte, arbeidsledige, pensjonistar, barnehagar, skuleklasser, folk som tek lunsjen sin ute, folk med foreldrepermisjon og anna.
– Naturmøteplassane er eit godt folkehelsetiltak der folk både kjem seg ut på tur i friluft heile året og samtidig har det sosialt og kjekt saman med andre. At så mange kjem kvar gong, betyr at dei i alle fall kjem seg over dørstokkmila ein dag i veka. Og sidan dei må gå eit stykke for å kome fram, er det grunn til å tru at forma blir betre også, seier Hilde Ellingsæter.
Friluftsrådet dekker utgifter til ved, kaffi, utstyr med meir slik at dette ikkje kostar noko for kommunane eller dei som er vertar. Dette er gjennom midlar frå Møre og Romsdal fylkeskommune og Miljødirektoratet.
Frivillege vertar
På Naturmøteplassane er det frivillege enkeltpersonar, samt lag og organisasjonar som byter på å vere vertskap. I Sandvika på Roald er det no 12 frivillege eldsjeler frå Giske Rotaryklubb som har meldt seg og skal dele på å vere vertskap.
– Det er kjekt å sjå kor positive folk er til dette tiltaket og det var ingen problem å skaffe vertar, seier Britt Valderhaug Tyrholm.
25. juni 2025
Fire personar i tillegg til vertskapet trassa regnvêret og fekk servert kaffi og vafler i Sandvika 17. juni
25. juni 2025
Siste møte i Rotary-året 2024-25 var i "Sitkagranhukjin" på Kyststien på Blindheim. 19. juni
20. juni 2025
12. juni 2025 var det presidentskifte i klubben. Arnfinn Vartdal tok over etter Britt Valderhaug Tyrholm som har vore president i to år.
På møtet vart Linda Rørvik høgtideleg teken opp som medlem av Giske Rotaryklubb
5. juni 2025
3. juni var stilte Giske Rotary med kaffi og nysteikte vafler igjen. Godt oppmøte, og besøk av Sunnmøre Friluftsråd
31. mai 2025
22. mai hadde vi besøk av Oline Nordstrand og Lars Erik Ramstad frå Sparebanken Møre si avdeling på Valderøya.
31. mai 2025
15. mai besøkte Stein Lauritsen Giske Rotaryklubb og presenterte si fotobok "Skogsturer uten klokke"
31. mai 2025
Tysdag 13. mai starta Sunnmøre Friluftsråd sesongen med Naturmøteplass i gapahuken i Sandvika på Roald
13. mai 2025
Saman med entusiastiske og gode hjelparar gjennomførte Giske Rotaryklubb ein diger dugnadsinnsats ved Vigra omsorgssenter laurdag 10. mai.
12. mai 2025
8. mai starta Giske Rotaryklubb strandrydding i Sandvika på Roald.
Britt Valderhaug Tyrholm er president i Giske Rotaryklubb i 2024-2025
Møtested: Mjølner samfunnshus
Adresse: Molnesvegen 59
Postnummer: 6040
Sted: Vigra
Land: NO
Møtedag: Torsdag
Møtetid: 20:00
Møtespråk: no
