Stor stemning med bål i Sandvika

Etter stormen på fredag var det mange som sette pris på å kome seg ut i det flotte turvêret. Sjølv om det var temmeleg vindstilt inne i vika, bles det godt rundt Langeneset, like ved. På førehand var det litt spenning om det skulle gå an å tenne bål utan å røyklegge byggefeltet i Ågnegjerdet. Men vinden var heldigvis sydleg, så røyken dreiv ut over sjøen. 

70-80 menneske i alle aldrar myldra rundt gapahuken og bålpanna og koste seg med kaffi og kjeks, eller grilla pølser på bålet.  Praten gjekk lett rundt bordet i gapahuken, gode vennskap vart friska opp og nye vart etablerte. Ungane klatra i bakken og sklei på baken ned igjen med frydefulle rop, medan andre terga båra på sandstranda. Ordførar Kenneth Langvatn hadde bursdag på laurdag, og tok like godt med seg bursdagskaka ned i Sandvika, og dei frammøtte kvitterte med  rungande bursdagssong  og gratulasjonar.

Britt Valderhaug Tyrholm, president i Giske Rotaryklubb, var strålande fornøgd med arrangementet. Ho har stått i bresjen for naturmøteplassen i Sandvika samarbeid med Sunnmøre Friluftsråd og Ågnegjerdet velforening. Denne dagen hadde ho heldigvis kokt litt meir kaffi enn ho hadde tenkt, for frammøtet var større enn ho hadde våga å drøyme om. «Det er så utruleg kjekt å sjå kor folk kosar seg her,» smilte ho. 

Jan Ove Skodje, som er styremedlem i Sunnmøre Friluftsråd, hadde rolla som kvissmeister og stilte med spørsmål til både barn og vaksne. Her var det mykje å bryne seg på, og diskusjonen gjekk høgt rundt borda. 

Det er organisasjonen Norsk friluftsliv som står bak det landsdekkande arrangementet «Heile Noreg bålar». Sunnmøre Friluftsråd og DNT hadde mange arrangement på Sunnmøre, og takka vere Giske Rotaryklubb vart det også arrangement her i Giske.

Hildegunn, Ingunn, Inger Lise, Mona og Reidun er engasjerte kvissdeltakarar

Gode forhold for den som vil terge båra i dag

25. juni 2025

Naturmøte i regnvêr

Fire personar i tillegg til vertskapet trassa regnvêret og fekk servert kaffi og vafler i Sandvika 17. juni

25. juni 2025

Sommarmøte i "Sitkagranhukjin"

Siste møte i Rotary-året 2024-25 var i "Sitkagranhukjin" på Kyststien på Blindheim. 19. juni

20. juni 2025

Presidentskifte og medlemsopptak

12. juni 2025 var det presidentskifte i klubben. Arnfinn Vartdal tok over etter Britt Valderhaug Tyrholm som har vore president i to år.
På møtet vart Linda Rørvik høgtideleg teken opp som medlem av Giske Rotaryklubb

13. juni 2025

Naturmøteplass 10. juni

Fint besøk på naturmøteplassen

5. juni 2025

Naturmøteplass 3. juni

3. juni var stilte Giske Rotary med kaffi og nysteikte vafler igjen. Godt oppmøte, og besøk av Sunnmøre Friluftsråd

31. mai 2025

Sparebanken Møre på besøk

22. mai hadde vi besøk av Oline Nordstrand og Lars Erik Ramstad frå Sparebanken Møre si avdeling på Valderøya.

31. mai 2025

Stein Lauritsen: Skogsturar utan klokke

15. mai besøkte Stein Lauritsen Giske Rotaryklubb og presenterte si fotobok "Skogsturer uten klokke"

31. mai 2025

Oppstart naturmøteplass

Tysdag 13. mai starta Sunnmøre Friluftsråd sesongen med Naturmøteplass i gapahuken i Sandvika på Roald

13. mai 2025

Ryddedugnad på Vigra omsorgssenter

Saman med entusiastiske og gode hjelparar gjennomførte Giske Rotaryklubb ein diger dugnadsinnsats ved Vigra omsorgssenter laurdag 10. mai.

12. mai 2025

Strandrydding i Sandvika

8. mai starta Giske Rotaryklubb strandrydding i Sandvika på Roald.