Presidentskifte og medlemsopptak
Torsdag 12. juni 2025 var det presidentskifte i klubben.
President Britt ønskte medlemmene velkomne til eit vakkert pynta bord og innleidde møtet med song. Vår påtroppande president Arnfinn hadde, som så mange gonger før, teke med gitaren og akkompagnerte songen. Deretter vart Linda Rørvik teke opp som nytt medlem i klubben og fekk Rotary-nål og diplom saman med mange lovord om arbeidet ho har gjort for lokalsamfunnet – eit arbeid ho tidlegare har fått Paul Harris-utmerking for.
Så var det klart for sjølve presidentskiftet, der president Britt overrekte kjeda og gode ønskje til Arnfinn Vartdal, som på si side takka Britt med blomar for innsatsen ho har gjort for klubben. Så feira vi hendinga med marsipankake, kaffi og hyggeleg prat. Det var òg lotteri og quiz før kvelden vart avslutta med song.
Alle foto: Ludvig Kåre Øyen
20. februar 2026
Politikontakt Daniel Ludvigsen på besøk
Torsdag 19. februar hadde vi besøk av politiførstebetjent Daniel Ludvigsen, politikontakt for Giske kommune. Han har vore Giske sin kontaktperson i politiet sidan 2019, og driv med kriminalitetsførebyggande arbeid.
6. februar 2026
Besøk på Giske ungdomsskule
Torsdag 5. februar var vi på besøk hos rektor Gry Støbakk Ytterland på Giske ungdomsskule for å få litt meir greie på korleis det er å vere rektor.
30. januar 2026
Bedriftsbesøk til Grøde Hagedesign
Torsdag 29. januar 2026 var vi på besøk hos Grøde Hagedesign på Valderøya.
26. januar 2026
Merittert undervisar Sven Inge Molnes på besøk
Dosent Sven Inge Molnes ved sjukepleieutdanninga i Ålesund.er tildelt utmerkinga som merittert undervisar. Torsdag 22. januar besøkte han klubben i våre lokale hos VAF - Vigra Aktivitets og Frivilligsenter. Foto: Børge Sandnes, NTNU
12. desember 2025
Juleavslutning i "Grotten"
Torsdag 11. desember 2025 var vi for tredje år på rad samla i Leiren hos Britt og Per Otto til julegløgg og til julesong i "grotten" - den gamle tyskerbunkeren i hagen deira.
22. november 2025
20.11.2025 Besøk hos Nordnes-gruppa på Gjøsund
Nordnes-gruppa driv fleire fiskebåtar, mellom andre trålarane Nordstar og Nordbas, og er sterkt engasjert i utbygginga av Gjøsund hamn.
14. november 2025
Besøk hos Nordic Wildfish
Torsdag 13. november 2025 var vi på bedriftsbesøk hos Nordic Wildfish i dei nyrenoverte lokala i Nordstrandfjørå. Dagleg leiar Anders Bjørnerem ga ei engasjert og spennande innføring i dei utfordringane og moglegheitene fiskeflåten i Giske møter.
1. november 2025
Vellukka rekefest
Giske Rotaryklubb arrangerte ein flott fest for klubbane på nordre Sunmøre og andre inviterte gjester på Mjølner fredag 31. oktober
24. oktober 2025
Guvernørbesøk
Torsdag 23. oktober fekk klubben besøk av distriktsguvernør Morten Mo.. Det var "stinn brakke" i lokala til Vigra Aktivitets- og Frivilligsentral.
17. oktober 2025
Poliodagen 2025
Poliodagen vert markert 24. oktober, og i samband med dette var arbeidet for å utrydde polio tema for klubbmøtet 16. oktober