Vellukka rekefest
Ver no velkomne med æra!
Fredag 31. oktober inviterte Giske Rotaryklubb til rekefest. Rotarymedlemmar frå klubbane på Nordre Sunnmøre, med følgje og vener, var inviterte. Til saman møtte 50 personar frå nesten alle klubbane på Nordre Sunnmøre opp til eit vakkert pynta festlokale.
Det vart ein riktig triveleg kveld med mykje song og musikk. Særleg Johannes Vik, barnebarnet til presidenten, imponerte stort med si fantastiske framføring på altsaksofon. Dei nydelege tonane vart møtte med høglydte ovasjonar og ståande applaus.
Allsongen vart akkompagnert av presidenten på gitar.
Etter god mat og drikke vart det variert underhaldning med visesong, forteljingar, kahoot (quiz) og lotteri. Harald Gjørtz framførte nokre fine viser akkompagnert av Arnfinn på gitar.
Som vanleg var det Ludvig som stod for quizen, som denne gongen vart presentert som ein kahoot, til stort engasjement blant dei frammøtte.
Vi fekk servert kaffi og gode kaker, og assisterande guvernør Kristin Wangensteen takka for maten.
Ein stor takk går til alle gjestene og til dei som stod på for å få alt i stand – det vart ein fantastisk fin festkveld!
Borda er ferdig pynta, vi ventar på festdeltakarane
em>Festdeltakarane er på plass, og praten går allereie livleg
Presidenten var konferanser
Unge Johannes Vik imponerte alle med sitt flotte saxofonspel.
Harald Gjørtz framførte eit knippe viser av Evert Taube, Hartvig Kiran, Tove Janson og Ola Bremnes. Arnfinn akkompagnerte på gitar.
God stemning rundt borda
Nydelege kaker
Allsong rundt festpynta bord
Sigerspallen for quizen
Assisterande guvernør Kristin Wangensteen takka for maten
Svein Kobbenes har mange gode historier på lager, og delte eit par av dei med oss.
1. november 2025
Vellukka rekefest
Giske Rotaryklubb arrangerte ein flott fest for klubbane på nordre Sunmøre og andre inviterte gjester på Mjøner fredag 31. oktober
24. oktober 2025
Guvernørbesøk
Torsdag 23. oktober fekk klubben besøk av distriktsguvernør Morten Mo.. Det var "stinn brakke" i lokala til Vigra Aktivitets- og Frivilligsentral.
17. oktober 2025
Poliodagen 2025
Poliodagen vert markert 24. oktober, og i samband med dette var arbeidet for å utrydde polio tema for klubbmøtet 16. oktober
11. oktober 2025
Psykisk helse
Klubben markerte verdsdagen for psykisk helse på klubbmøtet 9. oktober 2025
2. oktober 2025
Sesongens siste naturmøteplass
Det var eit strålande fint haustvêr i dag då vi møttest på sesongens siste naturmøteplass. Mange glade vandrarar stakk innom og fekk kaffi og nystekte vaflar. Vi startar opp att til våren..
12. september 2025
Byvandring i Ålesund
Torsdag 11. september gjekk vi byvandring i Ålesund., guida av Linda rørvik.
12. september 2025
Naturmøteplass 10. september 2025
Stort oppmøte i gapahuken i det vakre og varme septembervêret
4. september 2025
Naturmøteplass 3. september 2025
Nok eit triveleg treff i naturmøteplassen i Sandvika på Roald i dag. Britt og Arnfinn var vertskap og takkar for godt og hyggeleg frammøte.
26. august 2025
Vigra aktivitets- og frivilligsentral
21. august 2025 var vi på besøk hos Vigra aktivitets- og frivliligsentral på Roald. Jarle Molnes og Atlle Varhaugvik presenterte aktivitetane.
25. juni 2025
Naturmøte i regnvêr
Fire personar i tillegg til vertskapet trassa regnvêret og fekk servert kaffi og vafler i Sandvika 17. juni