Politikontakt Daniel Ludvigsen på besøk

Torsdag 19. februar hadde vi besøk av politiførstebetjent Daniel Ludvigsen, politikontakt for Giske kommune. Han har vore Giske sin kontaktperson i politiet sidan 2019, og driv med kriminalitetsførebyggande arbeid. Han har tett kontakt med kommunen, og er svært glad for at Giske kommune har fått på plass ein SLT-koordingator (Samordning av Lokale rus- og kriminalitetsfførebyggande Tiltak).  

Daniel kjenner kommunen vår godt. Han er stadig innom, enten i møte, i arbeid rundt utsett ungdom eller i prosjekt saman med til dømes SLT-koordinatoren, eller han svingar innom når han er ute og køyrer politibil.

Hovudbodskapen til oss var at dei aller flest barn og unge er lovlydige, og Giske kommune er ein trygg kommune å bu i. Likevel ser vi same tendensen her som i andre deler av fylket og landet for øvrig. Nasjonalt er det stor auke i lovbrot utført av barn i alderen 10-14 år. Dette utfordrar samfunnet og har negative konsekvensar for dei unge. Det er også ein auke i kor alvorlege lovbrota er – vi ser no meir vald, ran og trugsmål.

Han framheva kor viktig det førebyggande arbeidet er. Vi må skape aktivitet og trygge arenaer for ungdomen, og vi må vise omsorg og vere gode rollemodellar og trygge vaksne som er til stades. Skaff ungdom jobb, og sørg for at dei får gode mentorar. Dette var ei klar utfordring frå politikontakten til Rotary og det lokale næringslivet.

Daniel fekk spørsmål om korleis rusmiljøet i kommunen er. Svaret var at vi har rus her som alle andre stader, men det er ikkje noko som tilseier at det er verre eller betre her hos oss. Narkotikalovbrot blir registrert litt annleis no enn tidlegare – det er ikkje slik at rusavhengige skal straffast for å vere rusavhengige, no ønskjer ein å gå etter bakmenn og ulovleg sal av rusmiddel, og ikkje minst arbeide førebyggande for å unngå at mange hamnar i rusmiljøet.

Avslutningsvis minte han om behovet for totalberedskap. Vi må alle vere budde på ein krisesituasjon der vi til dømes manglar straum og vatn over tid. Og ikkje minst må vi vere merksam på at vi står overfor ein heilt annan trusselsituasjon no enn tidlegare.

Leiar Arnfinn Vartdal takka for besøket med kaffi frå Roald kaffebrenneri

7. mars 2019

Torskemiddag sammen med en gjeng gode venner

Den 7. mars slo vi til og bestilte torsk til middag for medlemmene i Giske Rotaryklubb. Og PSS leverte – igjen! Maken til god mat skal du lete lenge etter.

1. mars 2019

Å sitte i presang var ikke bare, bare …

Med foredraget "Å sitje i presang og Vigringar som satt i presang", tok Severin Haugen oss med til de vanskelige årene i Norge i 1800-1850 da det uår og krig mellom England og Danmark/Norge.